free webpage hit counter महिला साफ च्याम्पियनसिप दिउँसो विराटनगरमा उद्घाटन, नेपाल र भुटान खेल्दै - RatoKalam.com is No one news portal.

महिला साफ च्याम्पियनसिप दिउँसो विराटनगरमा उद्घाटन, नेपाल र भुटान खेल्दै

विराटनगर । पाँचौ संस्करणको महिला साफ च्याम्पियनसिप फुटबल प्रतियोगिता मंगलबारदेखि विराटनगरस्थित शहीद रंगशालामा सुरु हुँदैछ ।

दिउँसो ३ बजे नेपालले उद्घाटन खेलमा भुटानसंग खेल्दैछ । नेपाल सुखद सुरुवात गर्दै उपाधि जित्ने लयमा खेल्नेछ । सेमिफाइनल यात्रा तय गर्न नेपालले भुटानलाई हराउनै पर्ने हुन्छ ।

बलियो टोली बंगलादेश रहेको समूहको नेपाललाई दोस्रो चरणमा पुग्न भुटानलाई हराउनै पर्ने हुन्छ । नेपाली राष्ट्रिय टोलीका मुख्य प्रशिक्षक हरि खड्काले नेपालले उपाधिका लागि नै खेल्ने बताएका छन् ।

यसअघिका चार संस्करणमध्ये तीन पटक फाइनल पुगेर पनि नेपालले उपाधि जितेको छैन । पहिलो उपाधिको खोजीमा रहेको नेपाल उपाधिको भोको रहेको पनि प्रशिक्षक खड्काले बताएका छन् ।

यस संस्करणको साफमा दक्षिण एसियाका ६ राष्ट्रले प्रतिस्पर्धा गर्नेछन् । च्याम्पियनसिपमा नेपालसहित, भारत, श्रीलंका, भुटान, माल्दिभ्स र बंगलादेशले प्रतिस्पर्धा गर्ने छन् ।

च्याम्पियनसिपको समूह ए मा नेपाल, भुटान र बंगलादेश रहेको छ । समूह बी मा भारत, माल्दिभ्स र श्रीलंका रहेका छन् ।

समूहको शीर्ष दुई टोलीले सेमिफाइनलमा स्थान बनाउने छन् ।

उद्घाटनको तामझाम यस्तो छ

प्रतियोगिताको उद्घाटन नेपाल कम्युनिष्ट पार्टी नेकपाका अध्यक्ष पुष्पकमल दहाल प्रचण्डले गर्ने छन् । उद्घाटनलाई भब्य बनाउन विभिन्न सांस्कृतिक कार्यक्रम पनि गरिने छन् ।

एन्फा प्रवक्ता किरण राईका अनुसार उद्घाटनका क्रममा छोटो मन्तव्य पनि हुनेछ । अनि खेलको मध्यान्तरमा सांस्कृतिक झाँकी प्रस्तुत गरेर दर्शकलाई लोभ्याउने प्रयास गरिने छ ।

दर्शकको कमी नहुने प्रवक्ता राईले बताए । उनका अनुसार नेपालबाट मात्र नभई विराटनगर भारतबाट पनि नजिक भएकाले छिमेकी मुलुकबाट समेत दर्शक आउने छन् ।

टिकट मुल्य भने भिआइपीतर्फ ३ सय र साधारण प्याराफिटतर्फ २ सय रुपैयाँको टिकट राखिएको छ ।

अन्तरवार्ता

थप...