free webpage hit counter रत्ननगरको महाधिवेशन केन्द्रीत तालिम सम्पन्न - RatoKalam.com is No one news portal.

रत्ननगरको महाधिवेशन केन्द्रीत तालिम सम्पन्न

देबु बानियाँ
बाहुनडाँगी । नेपाल जेसीजको ४६ औँ राष्ट्रिय महाधिवेशनको आतिथ्यता शाखा रत्ननगर जेसीजको एक दिने ‘प्रि–इन्ड्रक्सन’ तालिम सम्पन्न भएको छ ।
शाखाका सम्पूर्ण सदस्यहरुलाई केन्द्रीत गरी आयोजना गरिएको तालिममा शाखाले १ वर्ष भित्र गरिने कार्ययोजनासहित सदस्यहरुलाई महाधिवेशन सम्पन्न गर्नका लागि आवश्यक विषयका बारेमा जानकारी गराइएको थियो । महाधिवेशनको पूर्व तयारीमा जुटेको रत्ननगरले अहिलेदेखि नै सदस्यहरुलाई क्रियाशील बनाउँदै भव्यताका साथ सम्पन्न गर्ने विभिन्न कार्ययोजनाहरु तयार गरेको छ । तालिमको मुख्य प्रशिक्षकको रुपमा शाखाका पूर्व अध्यक्ष एवम् नेपाल जेसीजका पूर्व राष्ट्रिय उपाध्यक्ष निरज श्रेष्ठ रहनु भएको थियो । उहाँले तालिममा जेसीजकर्मीहरुको काम कर्तव्य र अधिकारका बारेमा जानकारी गराउनु भएको थियो ।
शाखाका वर्ष २०१९ का तालिम निर्देशक दिलिप सुवेदीको संयोजकत्व तथा शाखा अध्यक्ष सुभाष पोखरेलेका अध्यक्षतमा तालिम सम्पन्न भएको थियो । तालिममा रत्ननगर जेसीजका संस्थापक अध्यक्ष तथा नेपाल जेसीजका पूर्व कार्यकारिणी उपाध्यक्ष निजानन्द मल्ल, पूर्व अध्यक्ष तथा नेपाल जेसीजका पूर्व राष्ट्रिय उपाध्यक्ष विश्वास रायमाझी, पूर्व अध्यक्ष विश्वास श्रेष्ठले सहजकर्ताको भूमिका निर्वाह गर्नु भएको थियो ।

अन्तरवार्ता

थप...