उर्लाबारी । मोरङको उर्लाबारीमा शनिवार साँझ स्कुटर र ट्रक एक आपसमा जुद्धा दुई जनाको घटनास्थलमै मृत्यु भएको छ । साँझ ७ बजेर ३५ मिनेटमा दुर्घटना हुँदा स्कुटरमा सवार उर्लाबारी ८ का २३ वर्षे प्रदीप धामी र सोही ठाउँका २२ वर्षे सुदीप भुजेलको भृत्यु भएको ईलाका प्रहरी कार्यालय उर्लाबारीका प्रहरी निरीक्षक उद्धब पोखरेलले जानकारी दिए ।
प्रदेश १–००१क १०३५ नम्बरको पूर्व तर्फ जाँदै गरेको ट्रकले विपरित दिशाबाट आएको को ३१ प ५१ नम्बरको मोटरसाइकललाई ठक्कर दिँदा उनीहरुको मृत्यु भएको हो । ट्रकका चालक र ट्रकलाई प्रहरीले नियन्त्रणमा लिएको छ ।
