काठमाडौं । सर्वोच्च अदालतको फैसलाबाट उत्साहित भएका केपी ओली पक्षधर देशभरका कार्यकर्ताले खारेजीमा परेको नेकपाको कार्यालयमा नेकपा एमालेको साइनबोर्ड राख्ने क्रमलाई तीब्रता दिएका छन् ।
केन्द्रीय कार्यालय धुम्बाराहीमा मंगलवार नेपाल कम्युनिष्ट पार्टी (नेकपा) को ठाउँमा एमाले थपेर साइनबोर्ड संशोधन गरिने केन्द्रीय कार्यालय सचिव इश्वरी रिजालले जानकारी दिए ।
काभ्रेस्थित नेकपा कार्यालयमा सोमवारै एमालेको साइनबोर्ड राखिएको छ । जिल्ला अध्यक्ष अशोक ब्यान्जुको नेतृत्वमा कार्यकर्ताले एमालेको फ्लेक्समा केन्द्रीय अध्यक्ष ओली र जिल्ला इन्चार्ज गोकुल बास्कोटाको फोटो समेत राखेर कार्यालयको एमालेकरण गरेका छन् ।
अब एमालेको कार्यालय सञ्चालनमा ल्याइएको अध्यक्ष ब्यान्जुले बताए । धुलिखेल नगरपालिकाका मेयरसमेत रहेका नगरपालिका संघका अध्यक्ष ब्यान्जु नेकपा विभाजनपछि पार्टी अध्यक्ष भएका थिए ।
प्रतिक्रिया दिनुहोस्
