काभ्रेपलाञ्चोक – काभ्रेको कामिडाँडाबाट दुई सय जनाभन्दा बढी एमालेमा प्रवेश गर्नुभएको छ । नेकपा एमाले बेथानचोक गाउँपालिका कमिटी आयोजना गरेको पार्टी प्रवेश, कार्यकर्ता भेला एवं सम्मान कार्यक्रममा नेपाली काग्रेंस र माआवादी केन्द्र छोडेर २०० भन्दा बढि गाँउले एमाले प्रवेश गरेका हुन् ।
कुनै समय माओवादीको आधार इलाकाकै रुपमा परिचित कामिडाँडाबाट ठुलो संख्यामा विभिन्न दलकाका कार्यकर्ताहरु विद्रोह गरी एमालेमा प्रवेश गरेका हुन. । कार्यक्रममा माओवादी केन्द्रबाट १५० जना र नेपाली काङ्ग्रेसबाट ५० जना एमालेमा प्रवेश गरेका हुन् ।
नवप्रवेशी कार्याकर्तालाई एमालेका केन्द्रीय नेता तथा काभ्रे इन्चार्ज गोकुल बास्कोटाले स्वागत गर्नुभयो । कुनैसमय कामीडाँडा भन्ने वित्तिकै माओवादीको क्षेत्र भन्ने लागेपनि विस्तारै कामिडाँडा एमालेमय हुँदै गएको छ ।
कार्यक्रममा एमाले नेता तथा संविधानसभा सदस्य रामहरी सुवेदी, कुमार थापा, विनोद गौतम,रिता ढकाल लगायतको उपस्थिति थियो ।
