सरकारले नेकपा एमालेको तर्फबाट २ र माओवादी केन्द्रकोतर्फबाट २ जना मन्त्री नियुक्त गरेको छ । सरकारले अर्थमन्त्रीमा डा. युवराज खतिवडालाई नियुक्त गरेको छ भने अर्थमन्त्रीको दावी गर्दै आएका ईश्वर पोखरलेलाई रक्षा मन्त्रालयको जिम्मा दिइएको छ ।
यसैगरी गृहमन्त्रीमा रामबहादुर थापालाई नियुक्त गरिएको छ भने उद्योग, बाणिज्य तथा आपूर्ति मन्त्रीमा मातृका यादवलाई नियुक्त गरिएको छ । गृहमन्त्री थापाले सरकारमा माओवादी केन्द्रको तर्फतबा नेतृत्व गर्नेछन् ।
नवनियुक्त मन्त्रीहरुले सोमबार नै राष्ट्रपतिसमक्ष पद तथा गोपनियताको सपथ लिएका छन् । यससँगै मन्त्रिपरिषद्को संख्या प्रधानमन्त्री सहित ७ पुगेको छ । यसअघि एमालेको तर्फबाट लालबाबु पण्डित र थममाया थापा मन्त्री नियुक्त भइसकेका छन् ।
