राजेन्द्र महतो, लहान जेठ- २२ गते
सिरहाका चर्चित समाजसेवी तथा नेपाल महिला संघकी केन्द्रीय सदस्य संगिता कर्माचार्यको असामायिक निधन भएको छ।
लामो समय देखि समाजसेवामा उल्लेख्य भुमिका रहेकी सिरहाको लहान निवासी संगिता कर्माचार्यको उपचारको क्रममामा झापामा निधन भएको हो ।
विगत केहि दिन देखि कोरोनाको उपचार गराईरहेकी उनको निधन झापा स्थित बिएमसी अस्पतालमा भएको बताइएको छ।
कोरोना माहामारीको कारण खाधान्न संकटमा परेका गरिब, मजदुर, अपाङ्ग, विपन्न, एकल महिला आदिलाई आफ्नै बलबुतामा राहत, लत्ताकपडा लिएर गत वर्ष देखि नै टोल टोल र बस्तीहरूमा पुगी सहयोग गर्दै आईरहेकी उनी लहान नगरबासीमा लोकप्रिय बनेकी थिइन।
उनको निधनले लहान नगरनै शोकाकुल भएको छ।
