राजेन्द्र महतो लहान असार ३० गते।सिरहामा खाल्डोमा जमेको पानीमा डुबेर एक बालिकाको ज्यान गएको छ। जिल्ला को बरियारपट्टी गाउँ पालिका - ३ राजदेव ठाकुरकी ८ वर्षीय छोरी नितु कुमारी शर्माको जमेको पानीमा डुबेर मृत्यु भएको हो।
हराएको हाँस खोजी गर्न गएको बेला केहि समय सम्म घर नआएपछी स्थानीय र मृतक को आमा ले खोजि गर्दै जादा नजिकै खाल्डोमा डुबेको अबस्थामा भेटाइएको जिल्ला प्रहरी कार्यालय सिरहाले जनाएको छ।
बालिकालाई उपचारको लागि स्वास्थ्य चौकी बरियारपट्टी लाग्दा डाक्टरले मृत्यु घोषण गरेका थिए । शव पोष्टमार्टमका लागि लहानस्थित रा. उ. स्मारक अस्पतालमा पठाइएको छ। घटना बारे थप अनुसन्धान भइरहेको जिल्ला प्रहरी कार्यालय सिरहाका सूचना अधिकारी डिएसपी सुवास बुढाथोकीले बताएका छ्न।
