नेकपा एमालेका नेता सुरेन्द्र पाण्डेलाई उनकै गृहजिल्लामा कालो झण्डा देखाइएको छ । पछिल्लो समय पार्टीका अध्यक्ष केपी शर्मा ओलीलाई उनले समर्थन गर्न लागेपछि उनका कार्यकर्ताहरुले चितवनमा नै कालो झण्डा देखाएका हुन् ।
आन्दोलनमा धोका दिएको भन्दै उनलाई उनकै कार्यकर्ताहरुले कालो झण्डा देखाइएको हो ।
एमाले विभाजन हुन लाग्दा माधवकुमार नेपालको पक्षमा रहेका नेता पाण्डेले एकता भन्दै विभाजनपछि ओली पक्षमा खुलेका हुन् ।
राष्ट्रपति विद्यादेवी भण्डारीले दल विभाजन अध्यादेश जारी गरेसँगै एमालेका वरिष्ठ नेता माधवकुमार नेपालले छुट्टै पार्टी दर्ता गरेका थिए ।
