विराटनगर । प्रदेश १ को विपक्षी गठबन्धनमा रहेका दलहरूले प्रदेश १ का मुख्यमन्त्री भीम आचार्यको विपक्षमा मतदान गर्ने निर्णय गरेका छन् । आइतबार बसेको विपक्षी गठबन्धनको बैठकले आचार्यको विपक्षमा मतदान गर्ने निर्णय गरेको हो ।
आचार्यले सोमबार प्रदेशसभाबाट विश्वासको मत लिदैछन् । आइतबार बसेको बैठकले मुख्यमन्त्रीको विपक्षमा मतदान गर्ने र गठबन्धनको तर्फबाट मुख्यमन्त्रीमा राजेन्द्र राईलाई अघि सार्ने सहमति गरेको नेकपा माओवादी केन्द्र प्रदेश १ संसदीय दलका नेता इन्द्रबादुर आङ्बाले बताए ।
मुख्यमन्त्रीमा काङ्ग्रेसले आलोपालो हुनुपर्ने दाबी गरिरहेको छ । बैठकले नयाँ सरकार गठनपछि केन्द्रीय तहमा आलोपालोका विषयमा छलफल गर्नेसहमति गरेको छ ।
९२ प्रदेशसभा सदस्य रहेको प्रदेश १ मा नेकपा एमालेसँग ४१ सांसद छन् । प्रदेशमा बहुमतका लगि ४७ मत आवश्यक पर्छ । विपक्षी गठबन्धनसँग ५० जना सांसद छन् ।
