मोरङ । मोरङको पथरी शनिश्चरे नगर अस्पतालमा अवदेखि आकस्मिक(इमेर्जेन्सी) सेवा चौविसै घण्टा उपचार सञ्चालन हुने भएको छ ।
आइतबार आकस्मिक सेवा उद्घाट भएको हो । नगर प्रमुख एवम् नगर अस्पताल व्यवस्थापन समितिका अध्यक्ष दिलीपकुमार राईको सभापतित्वमा भएको उद्घाटन कार्यक्रममा सविधानसभा सदस्य चण्डीप्रसाद राईको प्रमुख आतिथ्यमा भएको थियो । कार्यक्रममा नगर उपप्रमुख यमुना विष्ट वास्तोला लगायतले मन्तब्य दिएका थिए ।
संघीय गणतन्त्त स्थापनापछि हरेक स्थानीय तहमा अस्पताल स्थापना हुने क्रममा पथरीशनिश्चरेमा १५ बेडको नगर अस्पताल सुरु भएको थियो ।
संघीय सरकारको बजेटमा १ करोड १२ लाखको लागतमा १८ कोठे २ तले भवन निर्माण भएर असपताल सञ्चालन भइरहेको थियो । सोही स्थानमा शरणार्थी सम्बन्धी राष्ट्संघीय उच्चायोगको सहयोगमा ८० लाखमा एउटा भवन निर्माण भएको छ । त्यहाँ हाल संघीय सरकारले १८ करोड रुपैयाँमा अस्पताल भवनका लागि छुट्याएपछि सो रकमबाट भवन निर्माणको भइरहेको छ ।
भवन बनिसक्दा ५० शैयाको अस्पताल हुने पथरी शनिश्चरे नगर प्रमुख एवम् नगर अस्पताल व्यवस्थापन समितिका अध्यक्ष दिलीपकुमार राईले बताए । अस्पताल निर्माणको लागि बिभिन्न ब्यक्तिहरुले १ विगाहा बढी जग्गा दान भएको थियो ।
पथरीशनिश्चरे नगरपालिकाको २ नम्बर वडामा नगर अस्पताल, ५ मा हसन्दह स्वास्थ्य चौकी, ९ मा शनिश्चरे स्वास्थ्य चौकी र बाँकी ७ वटा वडामा आधारभूत स्वास्थ्य केन्द्र, १६ वटा खोप क्लिनिक, १२ वटा गाउँघर क्लिनिक रहेका छन् ।
प्रत्येक वडामा ३ जनाका दरले ३० जना स्वास्थ्य स्वयमसेविका कार्यरत रहनु भएको छ । नगरको ३ वटा एम्बुलेन्स र एउटा शव वाहन सेवा सञ्चालनमा छ । नगरमा ७० वर्षमाथिका ज्येष्ठ नागररिकलाई प्रदेशभित्र उपचार गर्न जानका लागि निःशुल्क एम्बुलेन्सको व्यवस्था समेत गरेको छ । नगर अस्पतालमा फरिन्दा गुरुङ, कमलकान्त चौधरी र भेषराज पोखरेल गरी ३ जना एमबीबीएस डाक्टर कार्यरत छन् ।
