मोरङ । मोरङको पथरीशनिश्चरे नगरमा भइरहेको ‘इन्ट्रा पथरीशनिश्चरे फुटबल प्रिमियर लिग’को आज (आइतबार) भएको खेलमा न्युस्टार एफसीलाई ०–३ गोल गर्दै पराजित गर्दै द रियल ब्रदर्स बिजयी भएको छ ।
द रियल ब्रदर्सको तर्फबाट पहिलो हाफको ३३ औं मिनेटमा सुरज शिवा र ३९ मिनेटमा समीर याक्खाले अर्को गोल हानेका थिए । त्यसैगरी दोश्रो हाफको ५९ मिनेटमा अकित लिम्बूले गोल गरेर फराकिलो अन्तरले टिमलाई बिजयी गराएको हो ।
आजको खेलको म्यान अफ द म्याच बिजेता टिम द रियल ब्रदर्सका समीर याक्खा घोषित भए । याक्खालाई कार्यक्रमको प्रमुख अतिथि १ नं. प्रदेश ट्राफिक प्रहरी प्रमुख एसपी बासुदेब खतिवडा र कांग्रेसकी नेतृ प्रेमला राईको हातबाट नगर र ट्रफी प्रदान गरिएको थियो । द रियल ब्रदर्स लिग पहिलो सिजनको उप बिजेता टिम हो ।
कार्यक्रममा नगर कार्यपालिका सदस्य मैना आचार्य नेपाली कांग्रेसकी नेतृ प्रेमला राई, सोही पार्टीको नगर उपसभापति सन्तोष कार्की लगायतको उपस्थिति भएको थियो । आयोजक समितिको अध्यक्ष संजिप गिरीले ट्राफिक प्रहरी प्रमुख एसपी खतिवडा र प्रेमला राईलाई मायाको चिनो प्रदान गरेका थिए ।
आइतबारको खेलसँगै लिग पहिलो चरणको प्रतिस्पर्धा सकिएको छ । पहिलो चरणको खेलमा टेन नवोदय, द रियल ब्रदर्स, सिरिजङ्गा र शिखर एफसीले ३–३ अंक प्राप्त गरेको छ । यो चरणमा टेन नवोदय, द रियल ब्रदर्स, सिरिजङ्गाले ३–३ गोल र शिखर एफसीले १ गोल गरेको छ ।
भोलीको खेल टेन नवोदय र बीएण्डबी वाईजीएफटीवीच प्रतिस्पर्धा हुने आयोजक समितिको सचिव मनि लिम्बूले बताए । पहिलो चरणको खेलमा वाइजीएफटी, न्युस्टार, वाईएफसी र देविगञ्जले अंक प्राप्त गर्न सकेन ।
