मोरङ । मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग’को सोमबार भएको लिग चरणको अन्तिम खेलमा द रियल ब्रदर्श र देबिगंजले बराबरी खेलेको छ ।
देविजंगले समूह चरणको अन्तिम खेलमा द रियल ब्रदर्शसँगको खेलमा बराबरी खेल्दै १ बराबर अंक बाँडेको छ । द रियल ब्रदर्शले ७ अंक जोडेर समूह बिजेता बनेको छ । जितसँगै नकआउटमा द रियल ब्रदर्शले समूह ए को उप बिजेता शिखर एफसीसँग बुधबार (चैत्र २), समूह ए को बिजेता टेन नवोदयसँग बिको उप बिजेता न्यु स्टारसँग बिहिबार (चैत्र ३)मा भिड्ने भएको छ । फाइनल खेल चैत्र ५ गते हुँदैछ ।
यो सिजनमा समूह ए बाट टेन नवोदय र शिखर, समूह बीबाट द रियल ब्रदर्श र न्यु स्टार बिजेता, बिजेता उपविजेता बन्दै सेमी फाइनलमा प्रबेस गरेको हो । टेन नवोदय र द रियल ब्रदर्श अघिल्लो सिजनको उपाधि बिजेता र उपबिजेता हो ।
यो सिजनको उपाधी उठाउने क्लवलाई २ लाख ५१ हजार र दोस्रो हुने टिमलाई १ लाख ५१ हजार नगद, ट्रफी, मेडल र प्रमाणपत्रहरु प्रदान गरिने लिग आयोजक समितिको संयोजक संजिव गिरीले बताए । अनुशासित टिमलाई १५ र सर्वोत्कृष्ट खेलाडीलाई १२ हजार पाँच सय प्रदान गरिने आयोजक समितिको सचिव मनि लिम्बूले बताए ।
