मोरङ । होलीको अवसरमा मोरङको पथरीशनिश्चरे–१०, स्थित शिविर डाडामा सुक्रबार सरसफाइ भएको छ ।
पथरी जेसीजको आयोजना र स्थानीय समाज सेवी गणेश थक्लुङ लिम्बूको संयोजनमा सरसफाइ भएको हो ।
सरसफाइ कार्यक्रममा पथरी जेसीजकी अध्यक्ष अणु राई, महासचिव राजकमार तिरुवा, नगर कार्यपालिका सदस्य मैना आचार्य, नेपाल आदिबासी जनजाति महासंघ पथरीशनिश्चरे नगर समन्वय समितिका अध्यक्ष चन्द्र तामाङ, समाज सेवी इन्द्रकुमारी लिम्बू, रबिन राई, सीता लिम्बू, जेसीज पूर्ब महासचिव सुमन कुरुम्बाङ लगायत करिव ३० जनाको समूहले सरसफाइ गरेको हो । शिविर डाँडामा जताभावि फालिएको प्लाष्टिक, बोरा लगायतको फोहोर मैला जम्मा गरेर जलाइएका हुन् ।
यता पथरी जेसीजले सदा झै पथरी बजारमा होली मिलन कार्यक्रमको आयोजना गरेको छ । नगर प्रमुख दिलिपकुमार राईको प्रमुख आतिथ्यमा गायक नन्दु गुरुङ, गायिका ममता गुरुङ लगायतले गीत प्रस्तुत गर्ने कार्यक्रम छ ।
