मोरङ । १७ बर्षिय किशोरीले बाबु बेगरको गर्भ बोकेपछि प्रहरीले अनुसन्धानको लागि एक जनालाई पक्राउ गरेको छ ।
घट्ना पूर्बी मोरङ हो । किशोरी प्रष्टसँग बोल्न नसक्ने फरक क्षमताकी छन् । किशोरीको पेट बढ्दै गएपछि छिमेकीहरुले घरमा गएर सो बारे परिवारलाई विचार गर्न भनेका थिए ।
त्यसपछि किशोरीको बाबुले छिमेकी महिलालाई छोरीको बढ्दै गएको पेटबारे सोधिदिन भनेका थिए । प्रष्टसँग नबोल्ने ती किशोरीलाई छिमेकी महिलाहरुले फकाएर सोधीखोजी गर्दा हाल बिदेशमा भएका एक पुरुषको नाम लिएका थिए ।
छरछिमेकी र जनप्रतिनिधिहरुले ती पुरुषलाई फोन सम्पर्क गर्दा आफ्नो अण्ड कोष नभएको, चिकित्सकले दिएको प्रमाण रहेको भन्दै आफूबाट गर्भ नबस्ने दाबी गरेको बुझिएको छ ।
गर्भ बसाउने पुरुष बारे किशोरीलाई प्रस्न गर्ने क्रममा अर्को एक जना पुरुषको नाम पनि लिएका थिए । भनिस भने मारिदिन्छु भनेर आफूलाई १३ बर्षको उमेर हुँदोखि करणी गर्ने गरेको बताएका थिए । किशोरीको भनाइको आधारमा मुनु भनेर चिनिने योगेस लिम्बूलाई प्रहरीले पक्रेर अनुसन्धान गरिरहेको छ । ४२ बर्षिय लिम्बू दुई छोराको बाबु हुन् । किशोरीले पछिल्लो पटक लिम्बूले आफू गाउँबाट फिर्दै गर्दा पैनीको डिलमा लगेर करणी गरेको छिमेकी र प्रहरीलाई बताएकी छन् ।
किशोरीको गर्भ परीक्षण गर्दा पेटमा ६ महिनाको नानी रहेको पत्ता लागेको छ । आर्थिक अवस्था कमजोर भएको किशोरी परिवारलाई छोरीले बाबु बिनको गर्भ बोकेपछि समस्या बढेको छ । किशोरीलाई सेफ हाउस पठाएर घट्ना बारे थप अनुसन्धान भइरहेको इलाका प्रहरी कार्यालय पथरीका प्रमुख डीएसपी बेदप्रसाद गौतमले बताए ।
मुलुकी अपराध (संहिता) ऐन २०७४ अनुसार २० बर्षभन्दा मुनिका किशोरीसँग सहमतिमै यौन सम्पर्क गरेपनि जबरजस्ति करणी ठहर्छ । पेटमा ६ महिनाको गर्भ बोकेकी किशोरी फरक क्षमता (अपाङ्ता) भएकोले गर्भ बोकाउने ब्यक्तिलाई कडा सजाय हुने प्रहरी प्रमुख गौतमको भनाइ छ ।
