मोरङ । मंसिर ४ गते हुने निर्वाचनमा माओवादी केन्द्रको तर्फबाट मोरङ क्षेत्र नं. ३ ‘क’ बाट लालबहादुर सुश्लिङ मगरको नाम प्रदेश सभा सदस्यमा सर्बसहमत रुपमा सिफारिस भएको छ ।
नाम सिफारिस भएका मगर संविधान सभा सदस्य हुन् । समानुपातिकमा भने गीता तिम्सिना, बालकुमार मगर (बिकास) र कलम हाङबाङ लिम्बूको नाम सर्वसहमत सिफारिस भएको छ । क्षेत्र नं. ३ संघीय सासदको उमेद्वारमा भने साबित्रीकुमार काफ्ले (समर)को नाम सर्बसहमत रुपमा जाने बुझिएको छ ।
पार्टी प्रदेश समितिले सके सर्बसहमत नभए बढीमा ३ जनाको नाम सिफारिस गर्न क्षेत्रीय समितिहरुलाई सर्कुलर जारी गरेको थियो । प्रदेश सभा सदस्यमा ७ भन्दा बढीले आफ्नो नाम सिफारिस गर्न प्रस्ताव राखेका थिए । समानुपातिका पनि सोही बराबर नाम प्रस्ताव आएपनि प्रत्यक्षमा सुश्लिङ मगर र समानुपातिकमा ३ जनाको नाम सिफारिस गर्ने निर्णय भएको हो ।
शनिबार उमेद्वार बारे छलफल गर्न बोलाइएको बैठकमा पार्टीको पोलिटब्युरो सदस्य साबिक्रीकुमार काफ्ले, केन्द्रीय सदस्य गीता तिम्सिना लगायतले पार्टीको चुनावी नीतिको बारे बोलेका थिए ।
