मोरङ । मोरङको कानेपोखरी गाउँपालिका २ दलेली स्थित शिक्षा विकास माविको कम्प्युटर लगायतको सामान चोरी गरेको आरोपमा इलाका प्रहरी कार्यालय पथरीले दुई जनालाई पक्राउ गरेका छ ।
विद्यालयको ३ सेट कम्प्युटरसहित अन्य सामाग्री चोरी गरेको अभियोगमा कानेपोखरी २ बस्ने २० बर्षको अजय सरदार, ३ का २८ बर्षिय प्रदिप चौधरीलाई आज (सोमबार) पक्राउ गरेको इलाका प्रहरी कार्यालय पथरीका प्रमुख डीएसपी बेदप्रसाद गौतमले बताए ।
आइतबार राति करिव १० बजे ताला फोरेर विद्यालयको ३ सेट कम्प्युटर, त्यसमा प्रयोग हुने तारहरु, साउण्ड सेट, दिनमा खाता तयार गर्ने क्यान्टिनको कुकर, भाडाहरु, डाडु पुन्युको साथै बिग्रेर राखेको पुराना २ वटा ट्युबेल समेत बरामद गरेको प्रहरीले जनाएको । चोरी गरेको समान स्थानीय अर्जुन सरदारको घरमा राखेको अवस्थाबाट बरामद गरिएको डीएसपी गौतमले बताए । पक्राउ परेका दुबैजनालाई अनुसन्धान सुरु गरिएको प्रहरीले जनाएको छ ।
