मोरङ । मोरङको पथरीशनिश्चरे नगरमा तीन वटा सहकारी संस्था एकीकरणपछि बनेको पथरीशनिश्चरे बचत तथा ऋण सहकारी संस्थाको अहिले (शनिबार) मतदान भइरहेको छ ।
जय भगवति, तिरुपति र कृतन सहकारी संस्था एकीकरण गरेर पथरीशनिश्चरे बचत तथा ऋण सहकारी संस्था गठन भएको थियो ।
संस्थाको आज (असोज २५ गते) भएको साधारण सभा पछि नेतृत्वको लागि मतदान (निर्वाचन) भएको हो ।
अध्यक्षमा नेत्र न्यौपाने, शान्तिराम बराल, उपाध्यक्षमा अर्जुन श्रेष्ठ र खेमराज निरौला, सहसचिवमा केशव विष्ट र पुन्यप्रसाद दाहाल निर्वाचनको मैदानमा रहेका छन् ।
चार पुरुष सदस्यको लागि पाँच जना भएपछि देबेन्द्र रायमाझी, प्रेम श्रेष्ठ, रमण दाहाल, लक्ष्मी भण्डारी र नृपबहादुर भण्डारी चुनावी मैदानमा छन् ।
सचिवमा शान्तिराम मिम्सिना, कोषाध्यक्षमा तोयानाथ ढकाल, महिला सदस्यहरुमा कविता ढकाल र पार्वति लामिछाने सर्वसहमत चयन भएको संस्थाको निवर्तमान अध्यक्ष गुरुप्रसाद दाहालले बताए ।
दुई हजार ६८१ सदस्य रहेको संस्थाको ३ करोड ३९ लाख ८४ हजार ३०० शेयर पुँजी, १४ करोड ७४ लाख ५५ हजार ०६७ बचते र ७४ लाख ३४ हजार ५७० शुद्ध नाफा रहेको आथिक प्रतिवेदनमा उल्लेख छ ।
