मोरङ । सडन डेथको सहारामा टेन नवोदय एफसी मोरङको पथरीशनिश्चरेमा जारी दोस्रो पिट्सबर्ग फुटबल च्यालेन्ज कप–२०२२ को सेमी फाइनलमा प्रवेश गरेको छ ।
आजको भएको खेलमा जहदा एफसी कानेपोखरीलाई सडन डेथमा पराजित गर्दै टेन नवोदाय सेमी फाइनलमा प्रवेश गरेको हो ।
निर्धारित समय गोलरहित बराबरी भएपछि ट्राइवेकर गराइएको थियो । ट्राइवेकरमा पनि ३ बराबर गोल भएपछि निर्णय सडन डेथको आधारमा लिइएको थियो ।
बिजेता टेन नवोदयको लागि उमेश राई, कासिम राई, योगेश राई, अनोज मागर, रोमन न्यौपाने र रोशन माझीले गोल गरेका थिए । सनम मगरले प्रहार गरेको गोल पोष्ट बाहिरिएको थियो भने अर्जुन बस्नेत र सनम तामाङले हानेको गोल बिपक्षी टिमका गोल रक्षक शरण तामाङले रोकेका थिए ।
जहदाको तर्फबाट अर्बिन राई, कुशल राई, रोशन राई, अर्जुन राई र मनिश भण्डारीले गोल गरेका थिए । जहदाको क्याप्टेन देबिन राईले प्रहार गरेको गोल पोष्ट बाहिरिएको थियो भने पर्शन राई, दिनेश राई र रोशन माझीले हानेको गोल बिपक्षी गोल रक्षक अर्जुन बस्नेतले रोकेका थिए । खेलको म्यान आफ द म्याच टेन नवोदयका गोल रक्षक अर्जुन बस्नेत घोषित भए । बस्नेतलाई पथरीशनिश्चरे नगरपालिका १ नं. वडा अध्यक्ष भीमकुमार राईको हातबाट नगद र ट्रफी प्रदान गरिएको थियो । भोली पहिलो सेमी फाइनल खेल पथरी ११ र चारतारे युवा क्लव लेटाङवीच प्रतिष्पर्धा हुने आयोजक समितिको अध्यक्ष गणेश थक्लुङ लिम्बूले बताउनु भयो ।
