मोरङ क्षेत्र नं.३ (क)को उमेद्वार थापाको निधनपछि कांग्रेसमा नयाँ उमेद्वारको खोजी, यी हुन संभावित उमेद्वार, निर्वाचन तोकिएकै समयमा हुने

मोरङ । मंसिर ४ गते हुने निर्वाचनको उमेद्वार समेत रहेका प्रदेश नं. १ सरकारको वन तथा वातावरण मन्त्री शेखरचन्द्र थापाको निधन पछि नेपाली कांग्रेसमा नयाँ उमेद्वारको खोजी सुरु भएको छ ।
थापा मोरङ ३ नं. क्षेत्र (क) प्रदेश सभा सदस्यको गठबन्धनको साझा उमेद्वार थिए । निमोनिया लगायतको स्वास्थ्य समस्याबाट थापाको आज बिहान साढे १० बजे नोवेल अस्पताल विराटनगरमा मृत्यु भएपछि नयाँ उमेद्वारका खोजी सुरु भएको हो ।
उमेद्वारको निधन भएमा सो दलले अर्को उमेद्वार मनोनयन गर्न पाउने व्यबस्था रहेको छ । पुन मनोनयन लगातयको समय तालिका हेरफेर भएपनि समय रहेकाले मंसिर ४ मै मतदान हुने निर्वाचन आयोगको प्रवक्ता शालिग्राम शर्माले जानकारी दिए । निर्वाचन तालिका हेरफेर गर्ने अधिकार सम्बन्धित निर्वाचन क्षेत्रको अधिकृतलाई दिइएको हुन्छ । 
तोकिएकै मितिमा मतदान हुने भएपछि नेपाली कांग्रेसमा नयाँ उमेद्वारको को हुने भन्ने छलफल सुरु भएको छ । 
अघिल्लो प्रकृयामा प्रदेश सभा सदस्यको लागि नेपाली कांग्रेसले शेखरचन्द्र थापासँगै सुयर्माराज राई (निवर्तमान प्रमुख सचेतक) र पुर्श कार्की गरी ३ जनाको नाम पठाएको थियो । राई गत निर्वाचनमा पनि यही क्षेत्रबाट प्रत्यक्ष निर्वाचित सभा सदस्थ थिए । पर्शु कार्की यस क्षेत्रको इमान्दार नेता हुन् ।
यी दुई जनासँगै ३ नं. क्षेत्रीय सभापति गणेश खड्का र बिना राई पनि हुन सक्ने कांग्रेस श्रोतले बतायो । गणेश खड्का दुई कार्यकाल चिर्वाचन जितेर पार्टीको क्षेत्रीय सभापति हुन भने अघिल्लो स्थानीय तहको निर्वाचनमा पथरीशनिश्चरे नगर प्रमुखको निकटतम प्रतिद्वन्द्वी हुन् । बिना राई यस अघिको प्रकृयामा पनि प्रदेश सभा सदस्य दौडमा रहेको बुझिएको छ । उनी नमुना घोषित पञ्चायत माविको सहायक प्रधानाध्यापक हुन् । यिनै नामहरु मध्येबाट निर्णय हुने एक नेताले बताए ।