मोरङ । आफ्नै घरको आँगनमा पार्किङ गरेर राखिएको अवस्थामा चोरी भएको मोटरसाइकल सोमबार प्रहरी चेकजाँचको क्रममा पथरीशनिश्चरेबाट पक्राउ परेको छ ।
मोरङको मिक्लाजुङ ७ का मनोज सुबेदीको घरमा पार्किङ गरेर राखिएको बजाज कम्पनीको निलो रंगको मे ५ ख ३१५१ नम्बरको मोटरसाइकल मंगलबार बिहान चोरी भएको थियो ।
मोटरसाइकल चोरी भएको बारेमा प्रहरीलाई जानकारी दिएका थिए । प्रहरी र ट्राफिक सवारी चेकजाँचको क्रममा हिजै (सोमबारै) पश्चिम गइरहेको अवस्थामा मिक्लाजुङ ६ को १९ बर्षिय अनिस मगर मोटरसाइकलसहित पक्राउ परेको हो । पक्राउ परेको मगर र मोटरसाइकल अनुसन्धानको लागि इलाका प्रहरी कार्यालय उर्लाबारी पठाइएको डीएसपी बेदप्रसाद गौतमले बताए ।
