मोरङ । मोरङको पथरीशनिश्चरे नगरमा निजी तथा आवासीय विद्यालय अर्गनाइजेसन नेपाल (प्याब्सन) अन्तरगर्तको अन्डर १५ फुटबल प्रतियोगिता आजदेखि सुरु भएको छ ।
पथरीशनिश्चरे २ स्थित देविगञ्ज फुटबल मैदानमा सुरुभएको आजको खेलमा न्युपेगोडा, बाल जागरण, रेड स्टार, सुपब, मोरङ मेरिगोल्ड र बाल्मीकि बोर्डिङ स्कुल प्रतियोगिताको क्वाडर फाइनलमा प्रवेश गरेको छ ।
न्युपेगोडा बोर्डिङ स्कुलले ब्राइट फ्युचरलाई ५–० गोल अन्तरले पराजित गर्दै प्रतियोगिताको दोस्रो चरणमा प्रवेश गरेको हो । बाल जागरणले जुनताराई ११–०, रेड स्टारले केबी मेमोरियललाई ५–०, मोरङ मेरिगोल्डले प्याराडाइजलाई २–०, बाल्मीकि बोर्डिङ स्कुलले भूपु सैनिकलाई ३–० र सुपापले अरुनोदय बोर्डिङ स्कुललाई सडन डेथको साहरामा पराजित गर्दै प्रतियोगिताको क्याटर फाइनलमा प्रवेश गरेको हो ।
सुपाप र अरुनोदयवीचको खेल अवधिभर गोलरहित बराबरी, प्यानल्टी सुटआउटमा ३ बराबरी गोल भएपछि सडन डेथको आधारमा निर्णय भएको थियो ।
सुक्रबारको खेलमा बाल जागरणका खेलाडी योगराज खड्का र सोहन लावतीले ह्याट्रिक गरेका थिए । त्यसैगरी अरुणोदय र सुपप बोर्डिङ स्कुलवीचको खेलमा सुपपका खेलाडी योजन मगरले ह्याट्रिक गरेको ब्याब्सन नगर समितिको सदस्य सुजन बास्तोलाले बताए ।
भोली (शनिबार¬) पहिलो चरणको खेल एभरेष्ठ भर्सेज प्यागोडा मोडन, कञ्चनजङ्गा भर्सेज डनबस्कोवीच प्रतिस्पर्धा हुने भएको छ ।
तीन दिनसम्म हुने प्रतियोगितामा प्रथमहुने टिम (स्कल)लाई जिल्ला प्रतियोगितामा लगिने प्याब्सन पथरीशनिश्चरे नगर समिति अध्यक्ष सुरेन्द्र लिम्बूले बताए । मोरङ जिल्लामा रहेको १७ वटा पालिकाबाट जितेर आएको टिमहरुलाई जिल्लामा प्रतिस्पर्धा गराइने भएको छ ।
छानिएर आएको स्कुललाई प्रदेशको १४ जिल्लावीच प्रतियोगिता गराइने र प्रदेशमा जित्ने स्कुललाई ब्याब्सनको आयोजनामा देशभर प्रतिस्पर्धा गराइने भएको छ ।
प्याब्सन पथरीशनिश्चरेको आयोजनामा भएको खेलमा भलिबल पुरुष तर्फ एभरेष्ट प्रथम, बालमीकि दोस्रो, महिलातर्फ भूपू सैनिक प्रथम र एभरेष्ट दोस्रो भएको प्याब्सन नगर अध्यक्ष सुरेन्द्र लिम्बूले बताए ।
