काठमाडौं । दुवै मृगौलामा समस्या आएपछि राजधानीको महाराजगञ्जस्थित त्रिभुवन विश्वविद्यालय शिक्षण अस्पतालमा उपचाररगत गायिका जलजला परियारलाई जापानबाट आर्थिक संकलन गरेर मतता राना मगरले उपचार आर्थिक सहयोग गर्नुभएको छ । उर्लाबारी ७ निवासी मगरले आफु स्वदेश फर्कने क्रममा आफ्ना साथीभाई शुभेच्छुकहरुसँग संकलन गरेको नगद ५० हजार १ सय जलजलाको आमालाई हस्पिटलमा पुगेर हस्तान्तरण गर्नुभयो । ममताले जलजलाको स्वास्थ्य अबस्थाबारे उहाँको परिवारसँग जानकारी लिनुभएको थियो ।
जलजला जस्तो सुमधुर आवाजकी धनि गायिकाको उपचार गर्नको लागी आफुले सानो रकम सहयोग गर्न पाउदा खुशी लागेको ममताले बताउनुभयो । उहाँले भन्नुभयो, सहयोग अभियानमा मलाई साथ दिनुहुने सम्पूर्ण जापानमा रहनुभएका नेपाली दाजुभाई दिदीबहिनीहरुलाई धन्यवाद दिन चाहाँन्छु । तपाई बिना यो पुन्य काम सम्भव थिएन् । यो अभियानमा तिन दर्जन बढिले सहयोग गरेको उहाँले बताउनुभयो । ममताले सम्पूर्ण नेपालीलाई जलजलाको उपचारमा सहयोग गर्न आग्रह गर्नुभएको छ ।
