मोरङ । शिक्षक कर्मचारीलाई सम्मान, बिदाइ र सांस्कृतिक मनोरञ्नात्मक कार्यक्रमको आयोजना गरी मोरङको पथरीशनिश्चरे ३ मा रहेको जनता माध्यमिक विद्यालयले आज (सुक्रबार) वार्षिका उत्सव मनाएको छ ।
विद्यालय व्यवस्थापन समितिका अध्यक्ष ज्ञानेन्द्र अधिकारीको सभापतित्वमा भएको कार्यक्रममा मोरङ क्षेत्र नं. ३ (क) का प्रदेश सभा सदस्य मानबहादुर लिम्बू, विशिष्ट अतिथि पथरीशनिश्चरे नगर प्रमुख मोहनप्रसाद तुम्वापो, नगरका शिक्षा शाखा प्रमुख शालिग्राम काफ्ले, नेपाल शिक्षक महासंघ नगरका अध्यक्ष अर्जुनकुमार बुढाथोकी लगायतको उपस्थिति रहेका थिए ।
विद्यालयलाई सहयोग बिभिन्न व्यक्तिहरुलाई सम्मान सेवा निवृति भएका शिक्षक रुपनारायण भट्टराई लगायत कर्मचारीलाई विदाई गरिएको विद्यालयका प्रधानाध्यापक पदम साप्कोटाले बताए । शिक्षक सुरेन्द्र दाहालद्वारा सञ्चालित कार्यक्रमा गायक नन्दु गुरुङले गीत गायर मनोरञ्जन दिएका थिए भने विद्यालयमा अध्ययनरत विद्यार्थीहरुले गीत, नृत्य लगायतका सांस्कृतिक कार्यक्रम प्रस्तुत गरेका थिए ।
