मोरङ । प्रदेश १ पुनः नामकरण संयुक्त संघर्ष समितिका कार्यकर्ताहरुले तेह्रथुमको म्याङलुङ्ग नगरपालिकाले कोशी लेखिएको सइनबोर्ड आइतबार (चैत्र १२) बिहान च्यतेर फालिदिएका छन् ।
प्रदेश १ पुनः नामकरण संयुक्त संघर्ष समितिले कोशी प्रदेशको बोर्ड नलेख्न, लेटरप्याड नचलाउन अनुरोध गर्ने राखिएमा हटाउने÷लजाउने कार्यक्रम यस अघिनै सार्वजनिक गरेको थियो ।
संघर्ष समितिको अनुरोधलाई म्याङलुङ्ग नगरपालिकाले नसुनी कोशी लेखेको बोर्डलाई कार्यकर्ताहरुले च्यातेका हुन् । अनुरोध अस्वीकार गरे अझ कडा कार्यक्रम ल्याउने संघर्ष समितिले चेतावनी दिदै आएको छ । कोशी लेखेको लेटरप्याड चलाउन थालेपछि अज्ञान समुहले इलाम माङ्सेबुङ्ग गाउँपालिका वडा नं. ५ कार्यालयमा आगो लगाइदिएको थियो ।
विराटनगरमा चैत्र ५ गतेको प्रहरीसँगको झडपमा परी ४२ बर्षिय पदम लिम्बू (लाजेहाङ)को निधन भएपछि आन्दोलनरथ पक्ष झनै आक्रमक भएका छन् । कोशी प्रदेश नाम खारेजी, लाजेहाङलाई सहिद घोषणा, क्षतिपूर्ति र छानबिन गरी दोषिलाई कारबाही नभएसम्म लाजेहाङको शव समाधिष्ट (अन्त्यष्ठि) नगर्ने प्रदेश १ पुनः नामकरण संयुक्त संघर्ष समितिले जनाएको छ ।
