मोरङ । बालबालिकाहरुको अतिरिक्त क्षमताको विकास र प्रदर्शन गर्ने उदेश्यले मोरङ पथरीशनिश्चरे नगरपालिकाको आर्थिक सहयोगमा ‘बाल साहित्य महोत्सव—२०८०’ हुने भएको छ ।
नगरमा रहेर बिभिन्न विद्यालयमा अध्ययनरत बाल बालिकाहरुको किताबी ज्ञान बाहेक अतिरिक्त क्षमताको विकास गर्ने उदेश्यले कला साहित्य प्रबद्र्धन समितिको आयोजनामा महोत्सव हुन लागेको हो ।
महोत्सव वैशाख २४ गतेदेखि ३० गतेसम्म पथरी बहुमुखी क्याम्पसमा हुने आज (सोमबार) पथरीको होटल साल्पामा पत्रकार सम्मेलनको आयोजना गरी जानकारी दिएका हुन् ।
महोत्सवमा प्रदर्शनको लागि नाटक तयार भएको शब्द थिएटरका जीवन बरालले जानकारी दिए । नाटक बिभिन्न विद्यालयमा अध्ययनरत बाल कलाकारहरुले अभिनय गर्नेछन् ।
साहित्यमा रुची भएका बालबालिकाहरुलाई गीत, कविता, गजल के, कसरी लेखिन्छ भनेर स्थापित सर्जकहरुको उपस्थितिमा कार्यशाला गोष्ठि चलाइने लक्ष्मी फुयलले बताए ।
त्यसैगरी नृत्य बारे राम बिक, गायनमा अर्जुन सिन्चुरी, वक्तित्व कला बारे शम्भूराज घिमिरे र सेरामिक बारे एभरेष्ट आर्ट फ्युजनको संयोजनमा कार्यशाला हुने कला साहित्य प्रबद्र्धन समितिका अध्यक्ष अमिर राईले बताए ।
महोत्सव भर पुस्तक तथा विज्ञान, लोक वाजा, भेषभुषा प्रदर्शनी, बुद्धिचाल लगायत खेलकुद गतिविधिको साथै खाद्य स्टलहरू राखिने आयोजक समितिको सचिव सरोज तिम्सिनाले बताए ।
बिभिन्न जातीय सांस्कृतिक झाँकीसहितको नगर प्रमुख मोहनप्रसाद तुम्वापोको प्रमुख आतिथ्यमा हुने उद्घाटन कार्यक्रममा कला साहित्यमा योगदान पु¥याउदै आएका सरोजा खड्गीलाई नगदसहित सम्मान गरिने आयोजक सपितिका अध्यक्ष अमिर राईले बताए । बाल बालिकाहरुको अतिरिक्त क्षमता वृद्धिको लागि महोत्सव उपयुक्त हुनेदेखिन्छ ।
