मोरङ । मोरङको पथरीशनिश्चरे नगर स्थित पथरी बहुमुखी क्याम्पस सञ्चालक समितिको सदस्यमा बिन्दु राई र बेदनिधि खनाल चयन भएका छन् ।
आज भएको सञ्चालक समितिको बैठकले राई र खनाललाई सदस्य मनोनित गर्ने निर्णय भएको क्याम्पस सञ्चालक समितिको अध्यक्ष रामकुमार बस्नेतले बताए । बेदनिधि खनाल पथरीशनिश्चरे नगरमा स्थापित एभरेष्ट बोर्डिङ स्कुलमा लामो समयदेखि शिक्षण पेशामा आबद्ध शिक्षक तथा राजनीतिक सामाजिक ब्यक्ति हुन् । विन्दु राई गएको स्थानीय निर्वाचनमा पथरीशनिश्चरे नगरमा उप प्रमुखको उमेद्वार हुन् ।
त्यसैगरी पथरीशनिश्चरे नगरको निवर्तमान नगर प्रमुख दिलिपकुमार राईको संयोजकत्वमा पाँच सदस्यीय सल्लाहकार समिति चयन भएको छ । समितिको सदस्यहरुमा निवर्तमान उपप्रमुख यमुना बिष्ट, परशुराम कार्की, शिव तिम्सिना र रुपनारायण भट्टराई रहेको पाँच सदस्यीय सल्लाहकार समिति चयन गरिएको अध्यक्ष रामकुमार बस्नेतले जनकारी दिए । पथरी बहुमुखी क्याम्पसको १५ औं क्याम्पस सभा बैशाख २२ गते हुदैछ ।
