मोरङ । मोरङको पथरीशनिश्चरेमा आज विहान सवारी दुर्घट्नाहुँदा पञ्चायत माविमा अध्ययनरत विद्यार्थी उत्सव धिमाल घाइते भएका छन् ।
साइकलमा विद्यालय जाने क्रममा पथरीको जाँते मोडमा पुग्दा पूर्ब गइरहेको प्र १—००१ ख ९५९२ को बसले ठक्कर दिएका थिए ।
घाइते १५ बर्षिय धिमाल पञ्चायत माविमा कक्षा ९ मा अध्ययन गर्दै आएका विद्यार्थी हुन् । घाइते धिमालको पथरी अस्पतालमा प्राथमिक उपचारपछि बीएनसी अस्पताल झापा रिफर गरिएको इलाका प्रहरी कार्यालय पथरीका डीएसपी लक्ष्मी भण्डारीले बताए । घाइते धिमालको टाउकोमा १० टाका लागेको छ ।
