मोरङ । मोरङको पथरीशनिश्चरे—१ मा स्थापित पञ्चायत माविमा थप शैक्षिक सुधार गर्ने उदेश्यले शनिवार विद्यालय व्यवस्थापन समिति, शिक्षक र सल्लाहकार लगायतसँग अन्तरक्रिया कार्यक्रम भएको छ ।
विद्यालय व्यवस्थापन समितिको अध्यक्ष युवराज बास्कोटाको सभापतित्वमा भएको कार्यक्रममा प्रधानाध्यापक अर्जुनकुमार बुढाथोकीले व्यवस्थापन समिति र प्रधानाध्यापकको काम, कर्तव्य, अधिकार बारे कानुनी व्यावस्था बारे प्रस्तुत गरेका थिए ।
व्यवस्थापन समितिका अध्यक्ष युवाराज बास्तोलाले शैक्षिक सुधारको लागि अभिभावक, विद्यार्थी र विद्यालय प्रशासनको भूमिका र समस्याहरु बारे प्रस्तुत गरेका थिए । अध्यक्ष बास्तोलाले सामुदायिक विद्यालयमा पढाउने शिक्षकहरुले नीजि स्कुलको शेयर लिने गरेको, छोराछोरी सामुदायिक विद्यालयमा नपढाउने गरेको भन्दै यस्ता बिषयमा अभिभाकहरुको खबदारी आवश्यकता रहेको बताए ।
बास्कोटाले विद्यालय सफा र स्वास्थ्य वातावगरण हुनुपर्ने, विद्यार्थीहरुलाई घोकन्ते नभएर जीवन उपयोगी शिक्षा दिइनुपर्ने लगायतका बिषयमा प्रस्तुती दिएका थिए । विद्यालय व्यवस्थापन समितिको सदस्य गोमा दाहालले पञ्चायत माविको अवस्था बारे प्रस्तुती दिएका थिए ।
कार्यक्रममा १ नं. वडा अध्यक्ष भीम राई, पञ्चायत माविको पूर्ब प्रअ चण्डीप्रसाद राई, पूर्ब विव्यास अध्यक्ष देवराज भण्डारी, समाजसेवी गणेश खड्का, पर्शु मिश्र लगायतको उपस्थिति रहेका थिए । तीन हजार बढी विद्यार्थी रहेको पञ्चायत मावि प्रदेश सरकारले नमुना घोषणा गरेको विद्यालय हो ।
