मोरङ । स्थानीय कलाकारहरुको कला प्रदर्शन र प्रवद्र्धन गर्ने उद्देश्यले मोरङको पथरीशनिश्चरे नगरका कलाकारहरुको सहभागी गराएर म्युजिक भिडियो बन्ने भएको छ ।
गीतकार गणेश थक्लुङ लिम्बूको शब्द रहेको गीत ‘तिम्रै माया लाग्छ नि हौ..., प्रमोद खरेजको स्वर र राजनराज शिवाकोटीको संगीत रहेको छ । त्यसैगरी ‘लुकीलुकी हेर्छौ आरे..., बोलको गीत मेलिना राई र टंक बुढाथोकीको स्वरमा रहेको छ । यो गीतको संगीत टंक बुढाथोकीको रहेको छ ।
यी गीतहरुको म्युजिक भिडियोको लागि मोरङ पथरीशनिश्चरे नगरको प्रतिभा प्रदर्शन र प्रवद्र्धन गर्ने उदेश्यले कलाकारको खोजि भइरहेको गीतकार गणेश थक्लुङले बताए ।
कलाकार छनौट भाद्र ७ देखि १५ गतेसम्म हुने र कार्तिकमा दशैंको अवसरमा उक्त म्युजिक भिडियो प्रदर्शन गर्ने योजना गरेको भिडियो निर्मातासमेत रहेका गीतकार गणेश थक्लुङले बताए । कला क्षेत्र रुचाउने इच्छुक कलाकारहरु सम्पर्कमा आइरहेको थक्लुङले जानकारी दिए ।
