मोरङ । माओवादी केन्द्रको केन्द्रीय सदस्य समिता कार्कीले नेता, कार्यकर्ताहरु पूर्ण रुपमा क्रियाशील नहुँदा धार्मिक अतिवादीहरु सलबलाएको बताएकी छन् ।
पार्टीको मोरङ पथरीशनिश्चरे नगर समितिले सोमबार आयोजना गरेको अन्तरक्रिया कार्यक्रममा बोल्दै केन्द्रीय सदस्य कार्कीले सो कुरा बताएका हुन् ।
नगरमा ‘जनतासँग माओवादी विशेष रुपान्तरण अभियान’ प्रभावकारी बनाउन सुझाव संकलन गर्ने उदेश्यले पार्टीद्वारा आयोजित कार्यक्रममा बोल्दै कार्कीले पार्टी धार्मिक अतिवादीहरुको पक्षमा नरहेको बताए ।
नेता कार्यकर्ताहरु पूर्ण रुपमा क्रियाशील नहुँदा राजावादी, हिन्दु अतिवादी र नव सामन्तहरु जुरमुराउन थालेको बताए । पार्टी केन्द्रीय सदस्य कार्कीले पार्टी क्रियाशील हुँदैजाँदा नेतृत्वले समाधानको नयाँ र उचित कदम चाल्ने बताए ।
माओवादी पार्टीको मुख्य योजना र भूमिकाको कारण राजतन्त्रको अन्त्य संघीय गणतन्त्र स्थापना भएकैले गाउँगाउँमा तिब्र रुपमा भौतिक, सामाजिक विकास भइरहेको तर्क कार्कीले प्रस्तुत गरेका थिए ।
कार्यक्रममा प्रदेश नं. १ को पूर्ब उपसभामुखसमेत रहेका पार्टी केन्द्रीय सदस्य सरस्वती पोख्रेल, मोरङ जिल्ला संयोजक बिजय विस्वासले पार्टीको वर्तमान नीति र अभियान बारे विचार प्रस्तुत गरेका थिए । जिल्ला सहइन्चार्ज बालकुमार मगर, नेत्र पोख्रेल, किराती मोर्चाको महासचिव अर्जुन जम्नेली राई लगायतले पार्टी निर्माणको लागि सुझावहरु राखेका थिए ।
माओवादी केन्द्रले भदौ १६ गतेदेखि देशभर ‘जनतासँग माओवादी विशेष रुपान्तरण अभियान, घरघरमा माओवादी, जनजनमा माओवादी’ तीन महिने अभियान सञ्चालन गर्दैछ ।
अभियानको लागि पथरीशनिश्चरे नगरको १० वटै वडामा टोली खटाउने निर्णय अनुसार जिम्मेवारी तोकिएको छ । अभियान उद्घाटन अघि वडा वडामा बैठक राख्ने, नेता, कार्यकर्ता भेटघाट, बिभिन्न स्थानमा सार्वजनिक कार्यक्रमहरु गर्ने निर्णय भएको पार्टी नगर सचिव मान दियालीले बताए ।
