मोरङ । मोरङको पथरी शनिश्चरे वडा नं. २ मा स्थापित लर्ड बुद्ध बचत तथा ऋण सहकारी संस्था लिमिडेटद्वारा आयोजित रक्तदान कार्यक्रममा ७३ पिन्ट रगत संकलन भएको छ ।
लड बुद्धले स्थापना दिवसको अवसर पारेर बुधबार रक्तदान कार्यक्रमको आयोजना गरेको थियो ।
नेपाल रेडक्रस सोसाईटी, उपशाखा उर्लाबारीको प्राविधिक सहयोगमा भएको कार्यक्रममा ७३ पिन्ट रगत संकलन भएको संस्थाको व्यवस्थापक गणेश वाछना राईले जानकारी दिए ।
कार्यक्रममा विभिन्न संघ, संस्था तथा कम्पनीहरुले रक्तदान गरेका थिए । आर्थिक बर्ष २०७९÷०८० मा लर्ड बुद्ध साकोस बिभिन्न संस्थाहरु मध्ये दोश्रो भएकोमा रेडक्रस उर्लाबारी उपशाखाका सभापति भानु पराजुलीले अध्यक्ष धनराज राई, पूर्ब अध्यक्ष हर्कराज राई र व्यवस्थापक गणेश वाछना राईलाई प्रशंसा पत्र, मायाको चिनो प्रदान गरेका थिए ।
