शुक्रबार, माघ ०५, २०८०- लेटाङ । सहिद हरि भट्टराई (परिवर्तन) को सालिक नगरप्रमुख भूपेन्द्र लावतीको आदेशमा नगर प्रहरीले हटाएको छ ।
निर्माण स्थलमा तोडफोड समेत गरेको भन्दै सहिद स्मृति प्रतिष्ठानले खेद प्रकट गरेको हो । शहिद स्मृति प्रतिष्ठान दर्ता गरी लेटाङ–४ मा रहेको बसपार्क छेउको खाली जग्गामा स्तम्भ पार्क निर्माण गर्ने नगर प्रमुखकै सहमतिमा काम सुरुवात
गरिएको प्रतिष्ठानका एक सदस्यले बताए ।
लेटाङ नगरबाट १० वर्षे जनयुद्दको समयमा १६ जना लेटाङबासीले ज्यान गुमाएका छन । ईश्वर ढुंगाना(प्रभात), हरि भट्टराई (परिवर्तन), डम्बर चेम्जोङ (अजम्बर) पुष्प भट्टराई (वादल), मेनुका चेम्जोङ (नमुना), डिल्ली पौडेल (दिलीप) लगायत शालिकसहित स्तम्भ राख्ने काम थालनी भएको थियो । सोही क्रममा पार्कमा सहिद हरि भट्टराई (परिवर्तन) को शालिक राखिएको थियो । सो शालिक नगरप्रमुख लावतीलेनै नगरप्रहरी लगाएर हटाएको र निर्माण स्थलमा तोडफोड गरेको भन्दै सहिद स्मृती प्रतिष्ठान त्यसविरुद्ध कडा कदम चाल्ने चेतावनी दिएको छ ।
शहिद स्मृति प्रतिष्ठान लेटाङका अध्यक्ष कृष्ण लम्साल (अनन्त) ले शालिक हटाएर बहादुरी देखाएको भन्दै त्यसका परिणाम ठिक नहुने चेतावनी दिनुभएको छ । उहाँले सयौं संघसंस्थाले जग्गा अतिक्रमण गर्दा मौन रहने प्रमुख लावतीले सहिद पार्कमा गिद्धे नजर लगाएको आरोप लगाएको छ ।
