मोरङको पथरीशनिश्चरे—७ स्थित लामाटोली बजारमा १५ बर्षिय किशोरीलाई छप्काउन (काट्न, हत्या गर्न) प्रयोग भएको खुकुरी प्रहरीले खोलाको दह भित्रबाट फेला पारेको छ । खुकुरीको दाप भने हत्या भएकै रात प्रहरीले घट्ना स्थल निजकै फेला पारेको थियो ।
गएको फागुन २१ गते राति करिव साढे १० बजे (राति) १५ बर्षिया किशोरी ज्ञानमति थुुलुङ राईको घाँटी र पाता पातामा खुकुरीले काटेर विभत्स हत्या भएको थियो । हत्याको आरोपी सोही राति करिव २ बजे बेलबारीको लक्ष्मीमार्ग स्थित मुख्य सडकमा पैदल हिडिरहेको अवस्थामा धिरेन चौधरी पक्राउ परेका थिए ।
पक्राउ परेका चौधरीको बयानको आधारमा आज (फागुन २६) घट्ना स्थल पूर्बमा रहेको गुहेहोली (खोला)को दह भित्रबाट खुकुरी फेला परेको इलाका प्रहरी कार्यालय पथरीले जानकारी दिएको छ ।
पथरी स्थित पञ्चायत माविको कक्षा ७ मा अध्ययन गर्दे आएका किशोरी राईलाई चौधरीले रामबहादुर मगर फेसबुक आइडीबाट बैदेशिक रोजगारी दुवाई हुँदै अविबाहित मगर हुँ भन्दै प्रेममा पारेका थिए । नेपाल आएर किशोरीलाई बिबाह गर्न भन्दै भारत छिराउने क्रममा जोगबनीमा असार १३ गते प्रहरी र गैरसरकारी संस्थाले नियान्त्रमा लिएका थिए ।
श्रीमाती छोराछोरी भएका चौधरीले जोगबनीबाट फर्काएपछि पनि ज्ञानमतीलाई पटक पटक सम्पर्क गर्न खोजेका थिए ।
किशोरीलाई कुखुरी प्रहार गरेर हत्या भएको केही समयपछि देखि नै घट्ना क्रम अनुसार धिरेन चौधरी प्रहरीको शंकाको घेरामा परेका थिए । घट्ना राति १० बजे भएपनि जिल्ला प्रहरी प्रमुख एसपी नवराज कार्की राति नै पथरी आएर अनुसन्धान थालेका थिए । अनुसन्धानको लागि राति नै कुकुर मगाएर शंकास्पद अपराधिको खोजीमा तिव्र रुपमा लागेका थिए ।
पथरीबाट एपी कार्कीको टोली विराटनगर फिर्ने क्रममा बेलबारी लक्ष्मीमार्ग पुग्दा पैदल हिड्दै गरेका शंकास्पद व्यक्ति धिरेन चौधरी पक्राउ परेका थिए ।
पक्राउ परेका चौधरी नाम कटुवामा परेका भूपू प्रहरीको सिपाइ हुन् । चौधरीले तत्काल अभियोग स्वीकार नगरेपनि उनले प्रयोग गरेको नेपाल टेलिकम र एनसेल नम्बरको मोबाइलन लोकेसन फागुन २१ गते (घट्ना भएको दिन) १२ बजे विर्तामोड, २ बजे मोरङ उर्लाबारी मंगलबारे र ३ बिजेदेखि नै पथरीशनिश्चरे ७ लामाटोली (घट्ना स्थाल)मा देखिएको प्रहरीले जनाएको छ ।
किशोरी हत्या भएकै राति खुकुरीको दाप फेला परेको र चौधरीको बयानको आधारमा खोलाको दह भित्रबाट दापमा मिल्ने खुकुरी फेला परेको इलाका प्रहरी कार्यालय पथरीका प्रमुख डीएसपी गणेशबहादुर श्रेष्ठले बताए ।
अनुसन्धानको क्रममा अभियुक्त चौधरीलाई बयान लिने क्रममा घट्ना स्थालमै लगेर कहाँ फालिस भनेर प्रस्न गर्दा उनले गरेको इसारा अनुसार खोजि गर्दा खुकुरी फेला परेको प्रहरी श्रोतले जनाएको छ ।
चौधरीले खोला दहमा खुकुरी फालेको भनेपछि शनिबार (२६ गते) स्थानीय जनप्रतिनिधि (वडा अध्यक्ष) उध्धप बस्नेत, संचारकर्मी तथा स्थानीय व्यक्तिहरु सहितको उपस्थितिमा खुकुरी खोजि गरिएको थियो । अभियुक्तले फालेको भनेको स्थानमा बाँसको टुप्पाको लाठीले छाम्दै र प्रहरीहरु दहमा पसेर खोजि गर्दा खुकुरी फेला परेको प्रहरीले जनाएको छ ।
