मोरङ । मोरङको पथरीशनिश्चरे—२ मा स्थापित हरियाली सामुदायिक वन लिमिटेडका अध्यक्ष अशोककुमार राईले पदबाट दिएको राजिनामा सामाजिक सञ्जाल फेसबुकमा पोष्ट गरेर कम्पनीलाई क्षति पु¥याउन खोजेको भन्दै स्पष्टिरण माग्ने निर्णय भएको छ ।
अध्यक्ष अशोककुमार राईले आफूले कम्पनीलाई अगाडी बढाउन भरपुर प्रयास गर्दागर्दै असहयोग भएकोले अत्मा सम्मानमा ठेस पु¥याएर काम गर्न नसक्ने भन्दै बिहिबार (चैत्र १५) गते राजिनामा दिएका थिए । राईले राजिनामा पत्र आफ्नो फेसबुक सञ्जालमा समेत पोष्ट गरेका थिए ।
सो बिषयमा कम्पनीको सबैभन्दा बढी शेयर रहेको हरियाली सामुदायिक वन उपभोक्ता समूहका अध्यक्ष काबुलबहादुर मगरको अध्यक्षतामा सुक्रबार (चैत्र १६) बैठक बसेको थियो ।
बैठकले संस्थालाई असर पर्ने प्रकारको शब्दहरु रहेको राजिनामा फेसबुक सञ्जालमा पोष्ट गर्नुको कारणहरुसहितको स्पष्टिकरण माग गर्ने निर्र्णय भएको श्रोतले जनाएको छ । बैठकले सो कार्यको लागि पाँच सदस्यीय समितिसमेत गठन गरेको बुझिएको छ ।
कम्पनीले करिव २० करोडको लागतमा पर्यटकीय क्षेत्रको रुपमा बिकास गर्न बोटिङ पोखरी, पौडी पोखरी लगायत निर्माण भइरहेको छ । स्वीमिङ पुल भने लगभग निर्माण सम्पन्न भइसकेको छ ।
