मोरङ । विश्व वातावरण दिवसको अवसरमा बुधबार मोरङको पथरीशनिश्चरेको विभिन्न संघ, संस्थाहरुले विरुवा रोपेर दिवस मनाएका छन् ।
शान्ति सामुदायिक वन उपभोक्ता समितिले भुल्के सिमसार क्षेत्रमा विरुवा रोपेर दिवस बनाएको हो । अध्यक्ष कुलमणी गुरुङ, उपाध्यक्ष नवराज मिश्र, कोषाध्यक्ष रोमान्सि धिमाल लगायतको पदाधिकारी सदस्य उपस्थित कार्यक्रममा इलाका प्रहरी कार्यालय पथरीका प्रमुख डीएसपी गणेश श्रेष्ठ, कार्यपालिका सदस्य वीरध्वज शिवा, सव डिभिजन वन कार्यालय पथरी लगायतबाट विरुवा रोप्न आएका थिए ।
यसैगरी नमुना घोषित पञ्चायत माविले पनि वृक्ष रोपन गरेर वातावरण दिवस मनाएको छ । वृक्ष रोपन कार्यक्रममा प्रधानाध्यापक अर्जुनकुमार बुढाथोकी, विद्यालय व्यवस्थापन समिति अध्यक्ष युवराज बास्कोटा, शिक्षक र विद्यार्थीहरु रहभागी भएका थिए । विद्यालय परिसरमा सोमी, टिक, निम, धुपी लगायतका विरुवा रोपिएको प्रधानाध्यापक बुढाथोकीले बताए ।
