• मोरङ । मोरङको पथरी शनिश्चरे वडा नं ३ आइतबारेमा आज महिला जागरुक हरिकिर्तन समूह र सङ्गीनी समूहको संयुक्त आयोजनामा खुल्ला भजन किर्तन प्रतियोगिता सम्पन्न भएको छ ।
    मौलिक संस्कृति जोगाउने उद्देश्यले आयोजित प्रतियोगितामा दीर्घायु हरिकिर्तन मण्डली प्रथम, पशुपति हरिकिर्तन दोस्रो र ज्ञान कुञ्ज हरि किर्तन मण्डली तेस्रो भए । सिद्धेश्वर हरिकीर्तन मण्डलीलाई सान्त्वना पुरस्कार प्रदान गरिएको थियो । 
    विजेता टिमहरुलाई कार्यक्रमको प्रमुख अतिथि नगर उपप्रमुख देबिमाया काफ्लेको हातबाट नगद ३ हजार, २ हजार, १५ सय, १ हजार र प्रमाणपत्र प्रदान गरिएको थियो । 
    पथरी शनिश्चरे वडा नं ३ कार्यालयको मुख्य सहयोगमा आयोजित सो प्रतियोगितामा नगरका १२ वटा भजन किर्तन टोली सहभागिता जनाएका थिए ।
    महिला जागरुक हरिकिर्तन समुह तथा संगीनी समूहकी अध्यक्ष देवीमाया पोखरेलको सभापतित्वमा भएको कार्यक्रममा वडा नम्बर ३ का अध्यक्ष विजय लिम्बू, ४ का लोककिरण न्यौपाने, वडा नम्बर ८ का अध्यक्ष नवीनजंग कार्की लगायतको उपस्थिति रहेको थियो । 

सम्वन्धित समाचार

मोरङ । नेकपा (एमालें) पथरीशनिश्चरेको दोस्रो नगर अधिवेशनमा अध्यक्षमा ४ र सचिवमा १० जना आकांक्षी देखि…

मोरङ । साल्पा सिलिचुङमा भौतिक मिर्माण र संरचना निर्माणको नाममा संकलित रकम तथा हिनामिनाबारे किरात राई य…

मोरङ । प्रदेशको नाम कोशी खारेजी गरेर पहिचानको आधारमा पुनः नामकरणको आन्दोलनमा रहेका प्रदेश नं. १ पुनः न…

मोरङ । मुक्कुमलुङमा नो केवलकार आन्दोलनको क्रममा प्रहरीले छातिमा गोली हानेर घायते बनाएका सगुन लाओतीसहित …