मोरङ । नेकपा (एमालें) पथरीशनिश्चरेको दोस्रो नगर अधिवेशनमा अध्यक्षमा ४ र सचिवमा १० जना आकांक्षी देखिएका छन् ।
मोरङ पथरीशनिश्चरे नगरको दोस्रो अधिवेशन चैत्र २७ गते हुँदै छ । अधिवेशनमा अध्यक्षमा संजिव गिरी, बाबुराम एङ्देन, यम गुरागाई र प्रकाश कार्की देखिएका छन् ।
संजिव गिरी पथरीशनिश्चरे नगरमा २ वटा नगर स्तरीय फुटबल लिग प्रतियोगिता गराएर लोकप्रियता हासिल गरेका युवा हुन् । अर्का प्रतिष्पिर्धी बाबुराम एङ्देन वडा नं. १ र यम गुरागाई २ नम्बर वडाको गत कार्यकालको निर्वाचित वडा अध्यक्षहरु हुन् । प्रकाश कार्की गत कार्यकालमा ८ नम्बर वडा अध्यक्ष उठेका पराजित भएका थिए ।
एमालेमा यतिवेला अध्यक्ष केपी ओली (संस्थापनं) र विद्या भण्डारीको दुई वटा लाइन तलसम्म देखिन थालेको छ । मोरङ जिल्ला अधिवेशनमा भण्डारी लाइन भनिएका विनोद ढकालको टिमले जितेपछि मोरङमा ओली अर्थात संस्थापन लाइन कमजोर भएको आकलन गरिएको छ ।
नेता, कार्यकर्ता एमाले भित्र लाइन भएको खुलेर स्वीकार नगरेपनि अधिवेशनमा यीनै २ वटा लाइन देखिएर तयारी भइरहेको बुझिएको छ । संस्थापन लाइनबाट यम गुरागाई र बाबुराम एङ्देन गनिएपनि एङ्देनले भने साझा भएर अध्यक्ष उठ्न खोजिएको बताइएको छ । यद्यपि एङ्देन बिहिबार काठमाडौ गएको बुझिएको छ ।
एङ्देन र यम गुरागाई मध्ये यो लाइनबाट एक जना उठाउने स्थानीय नेताहरुले प्रयास गरेपनि हालसम्म नमिलेको बुझिएको छ । अध्यक्षका अर्का प्रत्यासी उमानाथ अधिकारीको भने प्रतिनिधि छनौटमै फर्म भर्न ढिला भएर प्रतिनिधिनै नपरेको बुझिएको छ ।
वडा नं. १ मा पार्टी सदस्यता रहेका अधिकारीको यस अघि अध्यक्षमा चर्चा चलिरहेको थियो ।
यता संजिव गिरी र प्रकाश कार्की भने बिनोद ढकालको लाइन भएको बुझिएको छ । पार्टी लाइन नदेखाउने भनिएपनि भित्र भित्र लाइन कै तयारी भइरहेको बुझिएको छ । पार्टी नगर अध्यक्ष रमेश दाहालले हालसम्मको स्थिति हेर्दा नमोनयन गर्ने बेलासम्म नघट्ने बरु बढ्न सक्ने देखिएको बताए ।
त्यसैगरी सचिवमा काशिहाङ राई, अशोक साम्पाङ राई, विरोज मगर, तिर्थ आचार्य, कुलमणी गुरुङ, अनोज घिमिरे, नवीन ढकाल, पर्शुराम न्यौपाने, कृष्ण कार्की, भक्त राई लगायत आकांक्षी रहेको चर्चा रहेको छ ।
काशिहाङ राई, मनि लिम्बू संस्थापन पक्षबाट र कृष्ण कार्की, अशोक साम्पाङ राई लगायतको ढकाल पक्षबाट सचिवमा दाबेदारी रहेको चर्चा चर्चा छ । उपाध्यक्षमा अरुणा राई, देवी राई लगायतको चर्चा चलेको बुझिएको छ । सहसचिव वा अवस्था हेरेर मुख्य ५ को कुनै पदमा मनोनयन दर्ता गर्न सक्ने गोविन्द भण्डारीले बताए ।
विधान अनुसार अध्यक्ष, उपाध्यक्ष, सचिव र सहसचिव २ गरी एक महिलासहित ५ जना पदाधिकारी, १ देखि ९ नम्बर वडासम्म प्रति वडा ५ जनाको दरले ४५, वडा नम्बर १ बाट ८ सदस्य गरेर ५३, पदाधिकारी ५ ले ५८ र १७ सदस्य भूगोलबाट खुल्ला गरेर ७५ जना नगर समिति गठनहुने वर्तमान नगर सचिव भीमकुमार राईले बताए । अधिवेशनमा १७१ जना प्रतिनिधि हुने सचिव राईले बताए ।