काठमाडौ । वैदेशिक रोजगारीको लागि युके पठाइदिन्छु भनी ठगी गर्ने एक महिलालाई प्रहरीले पक्राउ गरेको छ ।
पक्राउ पर्नेमा दोलखाको बैतेश्वर गाउँपालिका वडा नम्बर ३ घर भएर काठमाडौंको तार्केश्वर नगरपालिका बस्ने ३१ वर्षीया नबिना दाहाल घिमिरे रहेकी छिन् ।
घिमिरेले युके पठाउँछु भनेर पीडितहरुबाट ५२ लाख रुपैया ठगेको उजुरी परेको छ । उनिबिरुद्ध बैदेशिक रोजगार न्यायाधिकरण र काठमाडौं जिल्ला अदालतबाट समेत पक्राउ पुर्जी जारी भएको काठमाडौं उपत्यका अपराध अनुसन्धान कार्यालयका सूचना अधिकारी काजी कुमार आचार्यले बताए ।
थप अनुसन्धान तथा कारवाहीको लागि उनलाई वैदेशिक रोजगार विभाग ताहाचल, काठमाण्डौंमा पठाईएको छ।
