मोरङ । मोरङको पथरीशनिश्चरे नगरपालिका स्थित पशुपति सामुदायिक वन उपभोक्ता समितिले लाहा खेतीको लागि शनिवार वृक्ष रोपन गरेको छ ।
वृक्ष रोपन कार्यक्रममा शुभकामना दिने क्रममा नेपाली कांग्रेसबाट टिकट पाएर प्रदेश सभा सदस्य जितेका मानबहादुर लिम्बूले २०८४ मा कांग्रेसका सुनिल शर्मा र माओवादी केन्द्रको गीता तिम्सिनाको लागि भोट मागे ।
पशुपति सामुदायिक वनले लाहा खेतीको लागि आवश्यक पर्ने सेमिया लता, कुसुम लगायतको विरुवा रोपेका हुन् । सामुदायिक वन उपभोक्ता समितिको अध्यक्ष पुष्पराज शाही ठकुरीको अध्यक्षतामा भएको कार्यक्रममा प्रदेश सभा सदस्यहरु मानबहादुर लिम्बू, गीता तिम्सिना, डिभिजन वन कार्यालय मोरङका प्रमुख डीएफओ उत्सव थापा लगायतको उपस्थिति रहेको थियो ।
कार्यक्रममा पशुपति सामुदायिक वन उपभोक्ता समितिका उपाध्यक्ष बिकास मगरले स्वागत गरिएको थियो । कार्यक्रममा सामुदायिक वन उपभोक्ता महासंघ नगर समितिको अध्यक्ष मैना आचार्य लगायतको उपस्थिति रहेको थियो ।
कार्यक्रममा प्रदेश सभा सदस्यहरु, जिल्ला वन कार्यालयको प्रमुख लगायतको अतिथि र सहभागीहरुद्वारा वृक्ष रोपन गर्नुको साथै शुभाकामना आदानप्रदा गरिएको थियो ।
कार्यक्रममा नेपाली कांग्रेसबाट प्रत्यक्ष निर्वाचित प्रदेश सभा सदस्य मानबहादुर लिम्बूले आगामी २०८४ मा संघीय सांसदको उमेद्वार सुनिल शर्मा र माओवादी केन्द्रका गीता तिम्सिनालाई भोट माग्दै दुई जनालाई जिताउन अनुरोध गरे । लिम्बूले आफ्नो लागि भने भोट मगेनन् ।
