पथरीमा बिसे नगर्चीको कविता र कृति माथि परिचर्चा

मोरङ । बिसे नगर्चीको कविता र कृति माथि चर्चा पृथ्वीनारायण शाहको सल्लाहकार बिसे नगर्चीको बिषयमा शुक्रबार पथरी बहुमुखी क्याम्पसमा परिचर्चा भएको छ । 
कवि श्रवण मुकारुङ को चर्चित कविता “ बिसे नगर्चीको बयान “ कविता माथि रहेर नगर्चीको बिषयमा परिचर्चा गरिएको थियोे । मुकारुङको उक्त कविता बि एड दोस्रो बर्षको नेपाली बिषयमा समाबेश गरिएको छ ।
 क्याम्पसको नेपाली बिभागको आयोजनामा भएको कार्यक्रममा प्रमुख वक्ता “ गुमनाम एक इतिहास बिसे नगर्चीका लेखक÷खोजकर्ता मोरङ पथरी शनिश्चरे १ निवासी दीपेन्द्रराज तिम्सिना रहनु भएको थियोे । लेखक तिम्सिनाले बिसेको जन्म स्थल गोरखा सम्म नै पुगेर गहिरो खोज, अनुसन्धान, अध्ययन गरेर कृति तयार गरेको पुर्व क्याम्पस प्रमुख चेतननाथ पौडेलले बताउनुभयो । लेखक तिम्सिनाले पृथ्वीनारायण शाहलाई पृथ्वीनारायण बनाउन बिसेको महत्त्वपूर्ण भुमिका रहेको बताउदै राज्य चलाउन सहि सल्लाहकार चाहिने बताउनुभयो । 
राज्यले अझै पनि बिसेलाई हुलाक टिकटमा समेत नसकेकोमा राज्यको निकायमा झकझकाएको राष्ट्रिय दलित आयोगमा बिसेलाई राष्ट्रिय बिभुति घोषणा गर्न तथ्य सहित पेस गरेको बताउनुभयो । 
क्याम्पसको नेपाली बिभाग प्रमुख सरिता भट्टराईको अध्यक्षतामा भएको कार्यक्रममा क्याम्पस प्रमुख शान्तिराम तिम्सिना, प्राध्यापक संघको अध्यक्ष उपेन्द्र बस्नेत, प्राध्यापक संघकी सचिव लक्ष्मी ढुङगेल नेपाली बिषयका विद्यार्थीहरुको सहभागीता रहेको थियोे । बिद्यार्थी शिक्षक बिच अन्तक्र्रिया कार्यक्रम समेत भएको थियोे । बिसे नगर्चीको बिषयमा चिनारी प्रस्तुत गर्दै उठेका प्रश्नको जवाफ लेखक तिम्सिनाले दिनु भएको थियोे ।