मोरङ । तालिम प्राप्त कुकुरहरु प्रयोग गरेर मोरङको पथरी बजारमा अबैध लागु औषध खोजि गर्ने क्रममा एक जना पक्राउ परेको छ ।
पक्राउ पर्नेमा मोरङ पथरीशनिश्चरे—१ का २३ बर्षिय विवेक माझी रहेका छन् । अबैध लागु औषध खोज्न सुनसरी धरान कुकुर बिभाग केनाइन शाखाबाट २ वटा तालिम प्राप्त कुकुर पथरीमा ल्याइएको थियो ।
उक्त कुकुरहरुले लागू औषध खोजि गर्ने क्रममा लागु औषध, लागु औषधको खुराक लिन धरौटी राखिएको २ वटा नेपाली राहदानी, बिभिन्न कम्पनीका ९ थान मोबाइल, ८ वटा घडी २ हजार ४६० नगद बरामद भएको इलाका प्रहरी कार्यालय पथरीको प्रम्ुख डीएसपी तुलशीराम अर्यालले बताउनुभयो ।
तालिम प्राप्त कुकुर बिहिबार विवेक माझीले राखेको समान नजिकै पुगेर संकेत गरेपछि लुकेर बसेको विवेकसहित पक्राउ परेको प्रहरी प्रमुख अर्यालले जानकारी दिनुभयो ।
तालिम प्राप्त कुकुरहरुको साथमा संकास्पद घरहरु र सार्वजनिक सवारी साधनहरुमा सर्च गरिएको थियो ।
