मोरङ । दीप प्रज्वलन तथा सहिदहरुलाई श्रद्धाञ्जली अर्पण गर्दै नेकपा–माओवादी केन्द्र पथरीशनिश्चरे नगर समितिले आज पार्टी कार्यालयमा संविधान दिवस मनाएको छ ।
पार्टी नगर समिति अध्यक्ष गोविन्द कटुवालको सभापतित्वमा भएको कार्यक्रममा संविधान सभा सदस्यसमेत रहेका पार्टी केन्द्रीय सदस्य लालबहादुर शुस्लिङ मगर, नगर इन्चार्ज नेत्र पोखरेल, सहइन्चार्जहरु, प्रदेश समिति सदस्य, नगर समितिका पदाधिकारी सदस्यहरु वडाका पदाधिकारीहरु कार्यक्रममा सहभागी रहेका थिए ।
कार्यक्रममा नयाँ संविधान निर्माण र देशको परिवर्तनको लागि साहदत प्राप्त सहिदहरुको सम्झनामा दीप प्रज्वलन गरिएको थियो ।
कार्यक्रममा पार्टी केन्द्रीय सदस्य लालबहादुर शुस्लिङ मगरले संघीय लोकतान्त्रिक गणतन्त्रको लागि बलिदान दिने सहिदहरुको फोटो च्यात्नेहरु जेनजी नभएर परिचालित घुसपैठीय भएको हुनसक्ने बताएता छन् ।
राजकुमार विकले सञ्चालन गरिएको कार्यक्रममा आगामी निर्वाचनमा जित्ने गरी पार्टी तयारीमा लाग्नुपर्ने मगरले बताएका छन् । पार्टी कार्यालयमा जनयुद्धमा पथरीशनिश्चरेमा मारिएका सहिदहरुको फोटो भदौ २४ गते च्यातिएको, जलाइएको पाइएको सो पार्टीले जनाएको छ ।
