मोरङ । प्याब्सन पथरीशनिश्चरे नगर समिति (मोरङ)ले आयोजना गरेको भलिबल खेलमा छात्र र छात्रा दुबै तर्फको खेलमा पथरीको एभरेष्ट बोर्डिङ स्कुल प्रथम भएको छ ।
प्याब्सन नगर समितिद्वारा आयोजित ‘प्याब्सन स्पोट्स मिट—२०८२’ अन्तर्गत सुक्रबार र शनिबार भलिबल प्रतियोगिता भएको थियो ।
भूपू सैनिक स्कुलको खेल मैदानमा शनिबार भएको छात्रतर्फको खेलमा रेडस्टार बोर्डिङ स्कुललाई पराजित गर्दै एभरेष्ट बोर्डिङ स्कुल प्रथम भएको हो ।
एभरेष्टले रेडस्टारलाई २५—२१ र २५—७ को साझो सेटमा पराजित गर्दै भलिबलको पुरुषतर्फको प्याब्सन बर्ष बिजेता बनेको हो ।
नगरमा रहेका १० वटा निजी विद्यालयहरु सहभागि भएको प्रतियोगितामा रेडस्टार बोर्डिङ स्कुल दोस्रोमा चित्त बुझाउनु प¥यो ।
शनिबार नै भएको छात्रातर्फको फाइनल खेलमा पनि एभरेष्ट बोर्डिङ स्कुल प्रथम भए । छात्रातर्फको खेलमा पनि एभरेष्टले रेडस्टार बोर्डिङ स्कुललाई २५—२२ र २५—१९ को सोझो सेटमा पराजित गर्दै उपाधि बिजेता बनेको हो ।
छात्रातर्फ पनि ८ टिम सहभागी भएको खेलमा रेडस्टार बोर्डिङ स्कुल दोस्रो भए ।
प्रतियोगितामा छात्रतर्फ बाल्मीकि, अन्नपूर्ण, न्यु प्यागोडा, भूपू सैनिक, बाल जागरण, अरुणोदय, केबी मेमोरियल, प्याराडाइजका खेलाडीहरु सहभागी रहेका थिए ।
छात्रातर्फ भूपू सैनिक, अन्नपूर्ण, अरुणोदय, न्यु प्यागोडा, केबि मेमोरियल, बाल जागरणका विद्यार्थीहरु भलिबल खेलमा सहभागी रहेका थिए ।
प्रतियोगिताका बिजेता र उपविजेता विद्यालयका खेलाडीहरुलाई मंसिर अन्तिममा हुने फुटबल खेलसँगै पुरस्कार प्रदान गरिने आयोजक प्याब्सन पथरीशनिश्चरे नगर समितिका अध्यक्ष शन्तोष बस्नेतले बताउनुभयो ।
