काठमाडौँ । पूर्वराजा ज्ञानेन्द्र शाहले सोमबार त्रिभुवन अन्तर्राष्ट्रिय विमानस्थलमा भएको युएस बङ्गला विमान दुर्घटनामा भएको क्षतिप्रति दुःख ब्यक्त गरेका छन् ।
पूर्वराजाले प्रेस विज्ञप्ति जारी गर्दै दुर्घटनामा मृत्यु भएका मृतकप्रति श्रद्धाञ्जली व्यक्त गर्दै शोकसन्तप्त परिवारमा धैर्यधारण गर्ने क्षमता बढोस् भनी कामना गरेका छन् ।
पूर्वराजाले विभिन्न अस्पतालमा उपचाररत घाइतेहरुको शिघ्र स्वास्थ्यलाभको कामना समेत गरेका छन् ।
बंगलादेशबाट आएको विमान अवतरणका क्रममा दुर्घटनामा परेको हो ।
दुर्घटनामा ४९ जनाको मृत्यु भएको छ भने २२ जनाको विभिन्न अस्पतालमा उपचार भइरहेको छ ।
पूर्वराजा भने अहिले पूर्व भ्रमणका क्रममा झापामा छन् ।
मंगलबार दिउँसो उनी सुनसरीको रामधुनीमा दर्शन गर्न निस्कने छन् ।
पूर्वराजाले दिउँसो ३ बजे भगवानले रामले धुनी जगाएको स्थलमा दर्शन गर्ने उनको संवाद सचिवालयले जनाएको छ ।
