न्यायाधीश दुई खेमामा बिभाजित भएका छन् । एक न्यायाधीशका अनुसार उस्तै प¥यो भने गोपालप्रसाद पराजुली एक्लै पर्ने स्थिति आउनसक्ने समेत बताए ।
सोमवार, मुद्दा थियो, कान्तिपुर पत्रिकाको अवहेलना मुद्दा । सोमवारको पेशीमा न्यायाधीश चोलेन्द्र शमशेर जबराले विवादित प्रधानन्यायाधीशको पूर्ण इजलास मान्याय सम्पादन गर्न बस्दिन भनेर बहिष्कार गरेपछि सर्वोच्च अदालतमा पहिरो गएको छ ।
न्यायाधीश चोलेन्द्र शमशेरले अवकाश भइसकेका प्रधानन्यायाधीशसँग बेञ्चमा बस्दिन भनेर बहिष्कार गरेपछि न्यायाधीश चोलेन्द्र शमशेरमाथि कान्तिपुरको पक्ष लिएको आरोपमा वक्तव्य वाजीसमेत भएका छन् ।
नेपालमा पहिलोपल्ट प्रधानन्यायाधीश र न्यायाधीशबीच गहन विवाद सुरु भएको छ । यो विवादले प्रधानन्यायाधीश र भावी प्रधानन्यायाधीश बन्ने सूचीका व्यक्तिका बीच यसरी कानुनी लडाइ सुरु भएको छ ।
पूर्ण इजलासमा पराजुली, राणासँगै इजलासमा ओमप्रकाश मिश्र, दीपककुमार कार्की, केदारप्रसाद चालिसे, शारदाप्रसाद घिमिरे र तेजबहादुर केसी थिए ।
सर्वोच्च अदालतको अवहेलनामा डाक्टर गोविन्द केसी र कान्तिपुर दैनिकविरुद्धको मुद्दा गोपाल पराजुलीले आफूसहितको पूर्ण इजलासमा राखेका थिए । राणाले कान्तिपुर र केसीको मात्र होइन अबदेखि पराजुलीसँग बेन्चमा नबस्नेसमेत घोषणा गरेका छन् ।
