सम्माननीय प्रधानमन्त्री केपी शर्मा ओली ज्यु,
नमस्कार
हामि नेपाली जनताले कहिले सम्म भाषणमा बिश्वास गर्ने ? भाषण धेरै भयो प्रधानमन्त्री ज्यु अव राष्ट्र निमार्णमा लागौ, समृद्द नेपाल बनाउनमा लागौ ! तपाँईले तिन चौथाई साम्सदको बिश्वासको मत पाउन सफल हुनुभएको छ यो राष्ट्र र जनताको लागी अत्यन्तै सकारात्मक सन्देश हो । साम्सदमा बिश्वासको मत पाए सगै साम्सद सामु जुन आफ्नो राय राख्नु भयो हामि जनताले चाहेको पनि यस्तै हो । तर भाषणमा भनिए जस्तै परिणाममा पनि आउनु पर्यो । सरकारले राम्रो कामको थालनी गर्नु पर्यो, र प्रतिपक्षले पनि राम्रो कामलाई सघाउनु पर्यो ।
महिला दिवसकै दिन एक नारीमाथी छ घण्टा लामो लगातार बोक्सीको आरोपमा लात्ती र मुर्कि प्रहार गर्दा सयौको संख्यामा मुखदर्शक बन्ने हाम्रो समाज छ । ति ठाँउमा आधारभुत शिक्षा कहिले पुग्छ ? विकास निमार्णमा अवरोध गर्ने गुन्डागर्दिको अन्त्य कहिले हुन्छ ? भुकम्प पिडितले च्यादरको ओत लागेर कहिले बस्न पाँउछन् ? कर्णालीका जनताले कहिले डाक्टर पाउछन् ? नातावाद र कृपावादको कहिले अन्त्य हुन्छ ? हामि युवा कहिले सम्म नोकरीमा खाडि मुलुक जानु पर्छ ?नेपाली अदुवाले कहिले उचित मुल्य पाउछ ? हैन भने यस्ता भाषण जनताले कति सुने कति, काम बिनाको भाषणको कुनै अर्थ रहन्न भन्ने कुराको पनि हेक्का रहनु पर्यो । धेरै पछि देशले स्थायी सरकार पाएको महसुस गरेका छौँ । सम्माननीय प्रधानमन्त्री ज्यु ले हाम्रो आशा र भरोसालाई त्यत्तिकै सेलाउन दिनुहुने छैन भन्ने आशा गरेका छौ ।
विवेक मिश्र
बेलवारी ११, मोरङ
