समाजसेवी गणेश लामाको बयान सकिएको छ । बयानमा उनले त्यो आफ्नो पेस्तोल नभएको बताएका छन् ।
जिल्ला सरकारी वकिल कार्यालयमा भएको बयानका क्रममा लामाले ‘दुई जना युवकले गोली प्रहार गरेपछि मैले प्रतिकार गर्दै पेस्तोल खोसेको हुँ’ भनेका छन् ।
उनले आफूले पेस्तोल खोस्ने वित्तिकै प्रहरी आइपुगेको दाबी गरेका छन् । यद्यपि, अनुसन्धान नसकिएकाले सोमबार जिल्ला प्रशासन कार्यालयमा उपस्थित गराएर १० दिनलाई म्याद थप गरिएको छ ।
काठमाडौं प्रहरी परिसरका मुद्दा शाखाका प्रहरी नायब उपरीक्षक (डिएसपी) मोहन थापाले थप अनुसन्धानका लागि म्याद थप गरिएको बताए ।
लामाको साथबाट बरामद भएको पेस्तोलको फरेन्सिक रिर्पोट आउन बाँकी छ । त्यसपछि थप अनुसन्धान अघि बढाइने परिसर स्रोतको भनाइ छ ।
