सरकारले संविधान, उल्लंघन गर्दै देशमा गुण्डाराज र फासीवाद लाद्न लागिपरेको भन्दै नेकपा प्रचण्ड–माधव पक्षका नेता नारायणकाजी श्रेष्ठले बाध्यतावश आमहड्ताल घोषणा गर्नुपरेको बताएका हुन् ।
जनता शान्तिपूर्ण आन्दोलनको पक्षमा रहेको र प्रतिनिधि सभा विघटनविरुद्ध मुलुक संसद पुंर्स्थापनाको माग गर्दै आन्दोलनमा होमिएका बेला पुनः संवैधानिक नियुक्ति गरेर सरकारले संविधान माथि ठाडो प्रहार गरेको श्रेष्ठले बताए ।
‘सरकारले संवैधानिक परिषदमा बलमिच्याँइ गरेको छ ,कानुन मिचिएको छ यो निरकुशतन्त्रको पराकाष्ठा हो’,श्रेष्ठको भनाइ थियो ।
आमहड्तालमा विद्यार्थीहरुको परीक्षा स्थगित नगरिने , संविधान बचाउन नेपाली जनताले सहयोग भरपुर गर्ने अपेक्षा लिएको भन्दै आगामी माघ २८ गते तय भएको प्रदर्शन यथावत रहेको बताए ।
