उर्लाबारी । उर्लाबारी–५ स्थित हाम्रो वचत तथा ऋण सहकारी संस्थाको अध्यक्षमा डिवी थापा सर्वसम्मत् चयन हुनुभएको छ ।
भोलि (असोज ५ गते) हुने २१ औं चुनावी साधारणसभा हुने भएपनि मंगलबार भएको उम्मेद्वारी मनोनयनमा अध्यक्ष पदमा थापाको मात्र उम्मेद्वारी परेपछि उहाँ सर्वसम्मत् चयन हुनुभएको हो । थापा यस क्षेत्रकै शिक्षा क्षेत्रका अग्रणी व्यक्तित्व हुनुहुन्छ ।
मंगलबार भएको मनोनयनमा पदाधिकारी, लेखा समिति तथा दुई महिला सदस्यमा सहमति भएपनि चार जना खुला सदस्यमा भने सहमति हुन सकेन । संस्थाको उपाध्यक्षमा इन्दिरा राई, सचिवमा राम बुढाथोकी, सहसचिवमा पुष्पलाल ढकाल र कोषाध्यक्षमा मुक्तिनाथ दहाल चयन हुनुभएको छ । यस्तै, महिला सदस्यमा हिमादेवी राई र निर्मला गौतम सर्वसम्मत् चयन भएका छन् । लेखा समिति संयोजकमा बृन्दा पौडेल निरौला तथा सदस्यहरुमा शिव निरौला र दिनेश पौडेल छानिएका छन् ।
थप चार जना सदस्यका लागि भने १० जनाको उम्मेद्वारी परेको छ । सर्वसम्मत्को प्रयास गरेपनि त्यो सम्भव हुन सकेको छैन । सदस्य पदमा गोविन्द पोख्रेल, मनोरथ भण्डारी, रेवन्तकुमार आचार्य, ज्ञानेन्द्र भट्टराई, गणेश दुलाल, मोतिलाल परियार, ताराबहादुर खड्का, डिल्लीप्रसाद काफ्ले, कुमार धिमाल र छयानाथ ढुंगानाले उम्मेद्वारी दिएका छन् । सदस्य पदमा सहमति हुन नसके विहीबार मतदान हुनेछ ।
